പുനർജന്മമുണ്ടെങ്കിൽ എനിക്ക് നിനക്ക് ഏറ്റവും ഇഷ്ടമുള്ള ഒരു കടലാസ് പൂചെടിയായി  ജന്മം എടുക്കണം , കടുത്ത ചൂടിലും മനോഹരമായി മന്ദഹസിക്കുന്ന കടും റോസ് നിറത്തിലുള്ള പൂക്കള് ഉള്ള കടലാസ് പൂ ചെടി .....ഒരിക്കലും നിന്നെ നോവിക്കാത്ത മുള്ളുകളും ബലിഷ്ടമായ തായ് വള്ളികളുമുള്ള ഏതു പ്രതിസന്ധിയിലും തളരാത്ത കടലാസ് പൂ ചെടി , നിന്റെ കൈ കൊണ്ട് കിട്ടുന്ന ഒരിറ്റു വെള്ളം കൊണ്ട് ദാഹ മകറ്റുന്ന , വളരെ പെട്ടെന്ന് നിന്നിൽ പടർന്നു കയറുന്ന ഒരു ചെടി. എത്ര മുറിച്ചുമാറ്റിയാലും നിന്നിലേക് പടർന്നു കയറാൻ വെമ്പുന്ന ഒരു ചെടി, മുടങ്ങാതെ പൂക്കുകയും തളിർക്കുകയും ചെയ്യുന്ന ചെടി . കരിഞ്ഞുണങ്ങി  വീഴുന്ന ഓരോ പൂവിതളും  നിന്റെ പാദ സ്പര്ശമേറ്റു ഞരിഞ്ഞമർന്നങ്ങനെപൊടിഞ്ഞു പൊടിഞ്ഞു മണ്ണോടു ചേരണം .......