ട്രപ്പീസുകളിക്കാരി

അരങ്ങൊഴിയാൻ  സമയമായിരിക്കുന്നു . കഴിവുകളെല്ലാം നഷ്‌ടമായ ഈ ട്രപ്പീസു കളിക്കാരിയെ ഇനിയാർക്കും വേണ്ട . മുഖത്തു തേക്കുന്ന ചായക്കൂട്ടുകൾക്കോ പളപളാ മിന്നുന്ന ഉടുപ്പുകൾക്കോ എന്നിലെ എന്നെ മറക്കാൻ കഴിയുന്നില്ല.

സ്വന്തമെന്നു കരുതിയതൊക്കെഅന്യമായിക്കൊണ്ടിരിക്കുന്നു .ഭൂമിയാകുന്ന ഈ സർക്കസ് കൂടാരത്തിൽ തുടരാൻ ഈ ട്രപ്പീസു കളിക്കാരി അർഹയല്ല . ഈ അരങ്ങൊഴിയണം എത്രയും പെട്ടെന്ന് .......

നമ്മളൊരുമിച്ചുള്ള അവസാന ദിനം പിന്നിട്ടു ഞാൻ മാത്രമായിട്ട് ഒരു ദിവസമാകുന്നു ... ഈ ജന്മം ഒരു വാക്ക് പോലും ഇനിയെന്നോട് മിണ്ടില്ല എന്ന നിന്റെ ശപഥം എന്റെ ജീവനും സ്വപ്നങ്ങൾക്കും മുകളിലുള്ള ഒരാക്രമണമായിരുന്നു.

നിന്റെ ഭാഗത്തുനിന്നും നീ പറയും പോലെ ഒരു പ്രലോഭനവും ഉണ്ടായിട്ടല്ല നിന്നെ ഞാൻ തന്നെ സൃഷ്ടിച്ചെടുത്ത ഒരു ബിംബമാണ് എന്നാലും നീ ഇല്ലാതെ ഈ സർക്കസ് കൂടാരത്തിൽ എനിക്ക് വയ്യ . ഞാൻ അരങ്ങൊഴിയാൻ പോകുന്നു ... നീ ഇല്ലാത്ത കൂടാരം എന്നെ ഭ്രാന്ത് പിടിപ്പിക്കുന്നു