നീ...............

നീ എനിക്കാരുമല്ല , എന്റെ  കുട്ടിക്കാലത്തെ കളി കളിലെ കളിക്കൂട്ടുകാരനോ,കൗമാര സ്വപ്നങ്ങളിലെ നായകനോ അല്ലായിരുന്നു നീ ... പിന്നീട് എന്റെ യുവത്വത്തിന്റെ അവസാന യാമങ്ങളിൽ ഞാനൊന്നുമല്ല എന്ന തോന്നലിൽ വരണ്ടുണങ്ങിയ സ്വപ്നങ്ങളിൽ ഞാൻ ഒതുങ്ങി കൂടിയപോ ഒരിക്കൽ വർണ ചിറകുവീശി നീ എന്റെ അരികിൽ പറന്നു വന്നു എന്റെ ഊഷര സ്വപ്നങ്ങങ്ങളെ ഊർവ്വരമാക്കി നീ എന്നിൽ കുളിർമഴ പെയ്യിച്ചു , നീ അറിഞ്ഞോ അറിയാതെയോ എന്റെ സ്വപ്നങ്ങൾക്ക് ഊടും പാവും നെയ്യാനുള്ള അവസരമൊരുക്കി , ഞാനെന്റെ സ്വപ്നങ്ങൾക്കു മയിൽപ്പീലി വർണം നൽകി, പിന്നീടങ്ങോട് നിന്റെ കാൽ പാദ സ്പര്ശ മേറ്റ മണ്ണ് പോലും എനിക്ക് പ്രിയമുള്ളതായി മാറി, എന്നെ പോലെ നീയും കടലാസുപൂക്കളെയും , കുന്നിനെയും മലകളെയും തുമ്പികളെയും ഇഷ്ടപ്പെടുന്നു എന്നറിഞ്ഞപ്പോ ഞാനുറപ്പിച്ചു നീ തന്നെയാണ് ഞാൻ തേടി കൊണ്ടിരുന്ന എന്റെ സ്വപനങ്ങളുടെ രാജകുമാരനെന്നു...

പോകെ പോകെ എനിക്കുമനസ്സിലായി എന്റെയും നിന്റെയും സ്വപനങ്ങളും വഴികളും വേറെ വേറെ ആണെന്ന് , ഒരിക്കലും എന്റെ സ്വപ്‌നങ്ങൾ നിന്റേതു കൂടിയാകില്ല , എന്റെ വഴികൾ എന്നത് നമ്മുടെ വഴികളാകില്ല എന്നൊക്കെ , എന്നിട്ടും പലപ്പോഴും നമുക്കിടയിലെ രണ്ടായി പിരിയും വഴികളിൽ നീ ഒന്ന് തിരിഞ്ഞു നോക്കിയിരുന്നെങ്കിലെന്നു ഞാൻ വല്ലാതെ ആഗ്രഹിച്ചു പോകാറുണ്ട്  ............