ഞാനും നീയും നമ്മുടെ സ്നേഹവും

പലരും ചോദിച്ചു എനിക്കും നിനക്കും ഇടയിൽ എന്താണെന്നു,
എനിക്ക് പറയണമെന്നുണ്ടായിരുന്നു ഒരു കടലോളം സ്നേഹമെന്നു ... പറഞ്ഞില്ല ഞാനൊന്നും പറഞ്ഞില്ല നിനക്കെന്നോട് കടുകുമണിയോളം സ്നേഹം പോലുമില്ലല്ലോ ........

കയ്യെത്തും ദൂരത്തു നീയുണ്ടായിട്ടും

നിന്നെ കൂടാതെ എനിക്ക് പറ്റില്ലാന്ന് ഞാൻ നിന്നോട് എത്ര കെഞ്ചി പറഞ്ഞതാ എന്നിട്ടും നീ എന്നെ പാടെ തള്ളി കളഞ്ഞു , ഇന്ന് ഞാൻ ജീവച്ഛവമായി ഇവിടെ ഇങ്ങനെ  ,എന്നിട്ടും ഒരിക്കൽ പോലും നിന്റെ കണ്ണ് ഒന്ന് തുറക്കുന്നില്ലല്ലോ എനിക്ക് വേണ്ടി.ഒരു വിളിപ്പാടകലെ നീയുണ്ടായിട്ടും കയ്യെത്തിപ്പിടിക്കാൻ കൊതിക്കുന്ന എന്നെ നീയൊന്നു കാണുന്നുപോലുമില്ലല്ലോ ., ഇടയ്ക്കിടെ നിന്റെ മാറുന്ന ഭാവവും രൂപവും ഞാൻ കാണാറുണ്ട് അതുമാത്രമാണ് ആകെ ഉള്ള ഒരാശ്വാസം ......

മൂന്നു മാസങ്ങൾക്കുമുന്പ് വരെ ജീവിതത്തിനു ഒരു താളവും രാഗവും ഒക്കെ ഉണ്ടായിരുന്നു. ഇന്ന് നീയെന്നെ തനിച്ചാക്കി വിളിപ്പാടകലെ ഒളിച്ചിരിക്കുമ്പോ പ്രണയാർദ്രമായ നൂൽമഴക്കു പോലും എന്റെ ജീവിത താളവും രാഗവും തിരിച്ചു തരാനാവുന്നില്ല .

ചോക്ലേറ്റ്

ചോക്ലേറ്റ് 

അന്ന് ഒരു ഒമ്പതുമാസം മുൻപ്  നീയെനിക്കു തന്ന അലിഞ്ഞു തുടങ്ങിയ ആ ചോക്ലേറ്റിന്റെ മധുരം ഇന്നും എന്റെ നാവിൻ തുമ്പത്തു നിന്നോ മനസ്സിൽനിന്നോ പോയിട്ടില്ല , അത്രയ്ക്ക് പ്രിയമായിരുന്നെനിക്കാ ചോക്ലേറ്റിനോട് , ഇന്ന് അതിന്റെ അടുത്ത് വരുന്ന ഒരു ചോക്ലേറ്റ് എന്റെ  ഓഫീസറുടെ മേശയിൽ കണ്ടപ്പോ ശരിക്കും വായിൽ വെള്ളം വന്നു ഒരു വേള അതെനിക്ക് തരാമോ എന്നുപോലും ചോദിയ്ക്കാൻ എന്റെ മനസ്സ് വെമ്പി ....ശരിക്കും ഞാനൊരു മുട്ടായി കൊതിച്ചി ആയ പോലെ .... പിന്നെ വൈകുന്നേരം അതെ മുട്ടായി മൂന്നെണ്ണം കിട്ടി ... ആർത്തിയോടെ ഞാനതകത്താക്കി ... നിന്നോടെനിക്കുള്ള ഒടുങ്ങാങ്ങാതെ സ്നേഹം പോലെ .....

+

പ്രണയം...

പ്രണയം... എനിക്ക് നിന്നോട് പ്രണയം..... കടുത്ത പ്രണയം..... കടു കടുത്ത പ്രണയം ..............

എന്റെ  സ്നേഹത്തിനു വിലയിടാൻ ഞാൻ  ആരെയും അനുവദിക്കില്ല, ആർക്കും നീ എന്നെ സ്നേഹിക്കരുത്, അവനെ അല്ലേൽ അവളെ സ്നേഹിക്കരുത്  എന്ന്   പറയാനുള്ള  അവകാശമില്ല, സ്നേഹിച്ചോളൂ എന്ന് പറയാനും അവകാശമില്ല. എന്റെ സ്നേഹത്തിന്റെ   അളവ് കോൽ അത് എന്റേത്   മാത്രമാണ് , ആരും അതിനെ സ്വന്തം അളവ് കോൽ വച്ച അളക്കാൻ   നോക്കണ്ട. എന്റെ കൊക്കിൽ പ്രാണനുള്ള കാലം ഞാൻ അതിനു ആരേം സമ്മതിക്കില്ല, അങ്ങനൊരു മോഹം ആർക്കേലും ഉണ്ടേൽ ആ കലം ഇപ്പൊ തന്നെ അങ്ങ് വാങ്ങി വെച്ചേക്ക് ചക്കരെ .......

എന്റെ ജന്മദിന സമ്മാനം

നിന്റെ ജന്മദിനം അതും കാത്തു കാത്തു ഞാൻ നിക്കാൻ തുടങ്ങീട് കുറെ നാളായി , പക്ഷെനിന്റെ പിറന്നാൾ ഇങ്ങെത്തിയപ്പോ നമ്മുടെ ഇടയിലെ അകലം വളരെ വളരെ കൂടിപ്പോയി, നിന്റെ പിറന്നാളിന് നിനക്കെറ്റ വും ഇഷ്ടമുള്ള മധുര പലഹാരങ്ങളും ആയി വന്നു ഒരു നൂറു ജന്മദിനം നിനക്ക് ആശംസിക്കണമെന്നുണ്ടായിരുന്നു , എന്റെ നിഴൽ പോലും നിനക്കു ചതുർത്തി യാണെന്നു തോന്നിയപ്പോ ,കണ്ടാൽ നീയെന്നെ കടിച്ചു കീറുമെന്നു തോന്നിയപ്പോ ഒന്നും വേണ്ട അകലങ്ങളിലിരുന്നു നിനക്കായി ഒരായിരം ജന്മദിനാശംസകൾ കണ്ണ് നീരിൽ കുതിർത്തു രചിക്കാമെന്നു വച്ചു , ഉറങ്ങാതെ അർധരാത്രി  വരെ ഞാൻ കാത്തിരുന്ന് നിന്റെ വയസിന്റെയത്രേം മെഴുകുതിരി കത്തിച്ചു എന്റെ കണ്ണ് നീരാൽ കെടുത്തി സ്വസ്ഥമായുറങ്ങി ......

നെഞ്ചിനുള്ളിൽ നീയാണ് ....

എന്റെ ദൈവദൂദൻ എന്നെ എന്നെന്നേക്കുമായി കൈവെടിഞ്ഞെങ്കിലും എനിക്കാവുന്നില്ല അടർത്തിമാറ്റാൻ ദൈവദൂദൻറെ സാമീപ്യത്തെ. എങ്ങിനെ ഇ ത്രമാത്രം പ്രിയം നിന്നോടെനിക്ക് തോന്നി അതിന്നും ഒരു നിഘൂടത തന്നെയാണ്. ജീവിതത്തെ ഒരുപാട് പ്രണ യിക്കുന്ന എനിക്ക് നിന്റെ ഒരേഒരു വാക്കിൽ നിന്നും കിട്ടിയ ഊർജ്ജത്താൽ ഒരൊറ്റ  നിമിഷത്തിന്റെ  പിശാചിക പിടിയിൽ നിന്നും രക്ഷപ്പെടാനായതാണോ അതോ  നിന്റെ കളങ്കമില്ലാത്ത സ്നേഹമാണോ അറിയില്ല . ഇത്ര നാളും  " നെഞ്ചിനുള്ളിൽ നീയാണ് ... എന്ന പാട്ടു കേൾക്കുമ്പോൾ നാട്ടുഭാഷയിലെ പുളിഞ്ചാർ പാ ട്ടെന്ന് പറഞ്ഞു പുച്ഛിച്ചിരുന്ന എനിക്ക് ഇന്നലെ  ആ പാട്ടു യാദൃശ്ചികമായി കേട്ടപ്പോ കണ്ണ് നിറഞ്ഞു ശ്വാസം മുട്ടിയതെന്തേ ... ശരിക്കും എന്റെ അവസ്ഥയും അത് തന്നെയല്ലേ .... നീ എന്നെ കൈവെടിഞ്ഞാലും നിന്നെ എനിക്ക് വേണം എന്റെ സ്വപ്നങ്ങളുടെ കൂട്ടുകാരനായി  .... എന്നും എന്റെ സ്വപ്നങ്ങൾക്കു ഊടും പാവും നെയ്യാൻ നീ വേണം

എന്നെന്നും ദൈവദൂദൻ എന്റേത് മാത്രമാവണം . എത്ര അകറ്റിയാലും നന്മയിലേക്കുള്ള വാതിലുകൾ എനിക്കായി ഒരിക്കലും തുറന്നില്ലേലും നിന്നെ എനിക്ക് വേണം ... എന്റെ അവസാന ശ്വാസം വരെ .....